Сузан Сарандон

Природното стареење и донесува улоги

Сузан Сарандон ги бојкотира сите непишани правила во Холивуд, посочувајќи го својот пример врзан за природното стареење. Имено, популарната 63-годишна актерка вели дека добива фантастични улоги и со самото тоа и големи хонорари, бидејќи нејзините колешки поради ботокс и пластични операции изгледаат вештачки и не можат да толкуваат ликови на постари дами.

„Не обвинувам ниту една жена која оди под нож заради убавина и сметам дека секој може да прави со своето тело што сака. Некои луѓе имаат подобар вкус од другите, а некои се сосема вознемирени и прават грешки. Јас го следам природното и, како што гледате, сите брчки на моето лице се природни. Но, затоа сум во предност. Изгледам како актерка од 60 години и затоа и добивам улоги“, откри Сарандон.