За битолчани Тоше има само датум на раѓање
Битола, градот во кој Тоше ги мина своите средношколски денови, на свој начин го одбележи трагичниот датум на загинување на големата македонска ѕвезда.
Пред националната галерија на детското ликовно студио „Свети Кирил и Методиј“, битолчани уште од раноутро почнаа да палат свеќи, оддавајќи и' почит на прерано загинатата македонска ѕвезда. Сеќавањето на Тоше беше во организација на „Малиот битолски Монмартр“, чии членови стојат зад портретите со ликот на Тоше на кои стои испишана пораката „Тоше има само датум на раѓање“. |
