Имигранти ја освојуваат планетата

Женева - Меѓународните имигранти ќе се зголемат за 68 проценти на 405 милиони лица во 2050 година, прогнозира Меѓународната организација за миграција (ИОМ).

Моментално нивниот број е 240 милиони, според годишниот извештај за миграцијата во светот. Прогнозата се заснова врз зголемувањето на миграционите протоци, како што е движењето на луѓе во последните 20 години.

Во најнеразвиените земји активното население ќе се зголеми од 2,4 милијарди во 2020 година, во три милијарди во 2020 година, а во 2040 година ќе достигне 3,6 милијарди лица.

Во исто време, работната сила во индустриски развиените земји се очекува да достигне рекордно ниво од 600 милиони лица до 2050 година.Тоа продлабочување на разликите меѓу понудувањето и барањето работа во светски рамки ќе натера се' поголем број работници од сиромашните земји да бараат работа во побогатите држави, прогнозира ИОМ. (МИА)