Меркел: Долговите на ЕУ не ја затвораат вратата за Балканот
Загреб – „Македонија треба да го реши спорот со Грција за името за членство во ЕУ“, изјави германската канцеларка Ангела Меркел во интервју за Хрватската радио-телевизија.
Според неа, на сите земји од Западен Балкан им е отворена перспективата за зачленување во Унијата, која зависи само од тоа дали ги исполнуваат условите.
„Актуелната должничка криза во Европа нема да влијае врз процесот на интеграција на земјите од регионот. Ако некои земји имаат долгови, нема поради тоа другите да ги оставиме пред врата. Важно е, на пример, Србија да соработува со Косово, на БиХ и' треба влада, Македонија треба да го реши спорот со Грција за името. Сето тоа сега треба да се реши, но ако Грциј��, Португалија и Ирска моментно имаат тешкотии, на другите земји нема да им ја одземеме перспективата“, нагласи Меркел.
Германската канцеларка денеска престојува во Хрватска, а во рамките на балканската минитурнеја ќе ја посети и Србија.
|
