Насловна

Од утро до вечер банките ѕвонат за неплатен долг

Граѓаните се жалат на честите јавувања, но и на односот на лицата задолжени за опомена

Се работи за минус на картичка од 30.000 денари. По дваесеттото јавување и' реков дека немам пари и оти не можам да платам. Тогаш таа ми предложи да платам дел, или 7.000 денари, па истиот ден повторно да ги повлечам парите, односно само да се регистрирало во банката дека е уплатен дел од парите. Никогаш во животот не сум почувствувал ваков притисок, а имало периоди и кога сум должел и многу повеќе пари во други банки“, вели нашиот соговорник.

Додава дека на крај двајца вработени од банката му дошле дома. Зајмил пари и решил да уплати 7.000 денари. „Додека стоев на шалтер, пре�� да ги уплатам парите, повторно се јави Марина. Толку беше дрска и некултурна, така што револтирано излегов од банката и не ги уплатив парите“, ова е патешествието низ кое деновиве поминал скопјанецот Г.Ф., кој многу нервозно ни ја раскажа приказната.

И уште една слична, но вистинита приказна, која ни ја раскажа Марија С., исто така, од Скопје. Таа вели дека била збунета од односот на опоменувачите од банките или од кол-центрите. „Првото јавување беше додека бевме на одмор. Операторот ме предупреди дека не сум ја платила ратата за кредит, а доцнев само два дена. Ме праша и кога ќе се вратам од одмор. Уште првиот ден по враќањето ме дочека нов повик, одговорив дека ќе платам кога ќе земам плата, а таа ми забележа: ’Имаш пари за одмор, а немаш за рата за кредит‘. Останав без зборови, не ми се веруваше дека можат да одат дотаму“, раскажува Марија, која ратата за кредит ја платила кога зела плата.

Граѓаните велат дека неможноста навреме да си ги сервисираат обврските кон банките, но и сметките за комуналии, особено го чувствуваат во последниве две-три години.

Според банкарите, пак, постојаните потсетувања се во прилог на клиентот, бидејќи во спротивно секое доцнење значи плус трошоци. Тие сметаат дека ваквите опомени даваат резултати. „Банките испраќаат месечни извештаи за кредитните картички, писма, а од неодамна и СМС-пораки со кои се информира клиентот за статусот на долгот и, секако, телефонско контактирање. Благодарение на овие методи, кои банките ги користат, нивото на нефункционални кредити е на задоволително ниво на целиот банкарски сектор во Македонија“, велат од Стопанска банка. Од оваа банка информираат дека уште при одобрувањето на заемот ја гледаат кредитоспособноста на клиентот. „Стопанска банка Скопје со процесот на наплата започнува уште при евалуацијата за кредитоспособноста на клиентот и максимално внимание му посветува на тоа клиентот да не биде оптоварен од кредитот што ќе го добие и да може без проблем редовно да го сервисира. Банките се обидуваат на најефикасен начин да ги информираат клиентите дека долгот што го имаат веќе е достасан и клиентот доцни или, пак, дека следните чекори за наплата ќе мора да бидат преземени доколку не се изврши уплата“, објаснуваат од Стопанска. Процентот на нефункционални кредити, односно заеми во доцнење над 90 дена на ниво на банкарски сектор заклучно со првиот квартал од годината изнесува 9,4 отсто, а за разлика од крајот на минатата година кога почна да паѓа овој процент, годинава повторно расте.

Од Про кредит банка велат дека кај нив ваквите кредити зафаќаат 2,5 отсто. „Вообичаено во летните месеци, особено јули и август се карактеризираат со мало зголемување на бројот на кредити во доцнење, што е резултат и на годишните одмори кога станува збор за физички лица, но и на, генерално, намалената економска активност кога станува збор за правни лица. Про кредит банка се залага за редовна комуникација со своите клиенти со што може да се утврди проблемот со наплата на кредитот и пред клиентот да влезе во категоријата ризични кредити“, велат од Про кредит банка.

Во Уни банка, заклучно со јуни, процентот на нефункционални кредити изнесува 5,27 отсто. „Во летниов период активноста на вработените што работат во делот за наплата е намалена поради користењето годишни одмори. На секој наш клиент, кој од одредени причини доцни со плаќање на ратите на кредитите, му се посветува целосно внимание и се бараат начини како да се реши тоа“, информираат од оваа банка. (С.М.)