Македонија и Израел се договорија за безбедносна соработка

Македонија и Израел потпишаа билатерална декларација за зајакнување на соработка во областа на безбедноста. Параф на договорот, кој е сличен на Декларацијата што РМ ја потпиша со САД, но е многу подетален во размената на искуства и информации, вчера во Тел Авив ставија министерката за внатрешни работи, Гордана Јанкулоска, и првиот човек на изралеското Министерство за одбрана, Ехуд Барак. Јанкулоска ја оцени досегашната соработка меѓу двете земји како одлична, но и двете страни покажале волја за интензивирање на соработката.

„Задоволство е што на сите средби беа искажани исклучително позитивни оцени за работата на МВР кое е препознаено како рамноправен партнер на сите други безбедносни служби во борбата против светскиот тероризам“, изјави министерката Јанкулоска. (Г.А.)