Утре прв сервис на жичарницата

Жичарницата утре нема да работи. Од ЈСП информираат дека таа во текот на утрешниот ден воопшто нема да биде во употреба бидејќи на објектот ќе се врши редовен, во случајов прв сервис откако е во возна состојба. Прегледот ќе го вршат Австријците од „Допелмаер“, кои и ја изградија жичарницата.

Инаку, како што информираат од ЈСП, викендов е регистрирана најголемата посетеност досега. Само во неделата биле продадени 5.100 билети. Ако се има предвид дека на жичарницата пензионерите и најмладите се возат бесплатно, тогаш како што велат од ЈСП, сигурно во неделата на неа се возеле преку 6.000 граѓани. Надлежните потсетуваат дека до петок важат промотивните цени за возење, по што во сила ќе биде редовниот ценовник. Бесплатно и натаму ќе можат да се возат пензионерите, жени со наполнети 62 години,односно мажи со 64 и деца до 6 години. За оние до 14 години ќе се наплаќа 50 денари, додека другите за билет ќе треба да издвојат 100 денари. (Дс.Т.)