Обновена улицата „Вера Јоциќ“

 Екипи на Градот изминатиов период ја подновуваа улицата „Вера Јоциќ“ во општината Кисела Вода. Со акцијата беше реконстуиран целиот коловоз во должина од 450 метри и широчина од 7 метри, како и крак од улицата во должина од 90 метри и еден тротоар. Екипите на ЈП „Улици и патишта“ асфалтираа вкупна површина од 3.150 квадратни метри, при што вградија 660 тони асфалтна маса, нивелираа 14 шахти и сливници за атмосферската вода, а ја обележаа и хоризонталната сигнализација. Реконтрукцијата на „Вера Јоциќ“ го чинеше Градот над 4 милиони денари. (Б.Ш.)