МОСКВА - Осум осомничени сатанисти се уапсени во Русија, поради тоа што наводно убиле со нож и јаделе делови од телата на четворица тинејџери. Четирите жртви биле намамени поединечно во куќичка во природа во регионот Јарослав на реката Волга, објави популарен руски таблоид. Секој од тинејџерите бил прободен со нож „666 пати“, како дел од сатански ритуал, пишува дневниот весник „Комсомолскаја правда“, повикувајќи се на истрагата.
Жртвите, наводно, биле принудени да се опијанат, па биле убивани и масакрирани. Потоа, убијците палеле оган под дрво во близина на куќичката, и таму печеле и јаделе делови од телата на жртвите, се дознава од информациите. Влакна од жртвите биле пронајдени во вжарената пепел на огнот.
Во написот, исто така, се цитираат сослушувањата на осомничените и се истакнува дека полицијата ги прислушувала нивните телефонски повици по убиството. Жртвите - три девојчиња и едно момче - биле на возраст меѓу 16 и 17 години и и' припаѓале на супкултурата „Варварски кругови“, која е многу популарна во провинциска Русија, пишува „Космомолскаја правда“. (Скај њус)
