Бомбаш самоубиец уби 56 лица

ПЕШАВАР – Бомбаш-самоубиец уби околу 56 лица, а повреди над сто лица во нападот изведен пред канцеларијата на висок официјален владин претставник во северозападниот дел на Пакистан, изјавија официјални лица на власта и од болницата. Бомбашот нападнал кога луѓе се собирале околу канцеларијата во Мохманд, етнички паштунски племенски регион на границата со Авганистан, каде што безбедносните сили во последните неколку месеци ги засилија нападите врз талибанските милитанти. „Имаше две експлозии. Првата експлозија беше помала, а втората поголема. Околу 56 лица го загубија животот“, изјави Расул Кан, помошник- политички агент во регионот за Ројтерс. Нападот се случи пред неговата канцеларија.

Официјалниот претставник на администрацијата,

Мехраџ Кан, претходно го опиша инцидентот како самоубиствен напад. (Ројтерс)