За стечајците потребни 12 милиони евра

Вчера започна дебатата по предлог-законот за материјално обезбедување на невработените лица, популарниот закон за стечајци, поднесен од

опозициските партии. Со него треба да се опфатат лицата што останале без работа поради приватизација на претпријатијата со општествена сопственост. Расправата ја следеа и тројца претставници од Унијата на стечајците, со одобрение на претседателот на парламентот Трајко Вељаноски, а по барање на СДСМ.

Марјанчо Николов од СДСМ рече дека со законот се бара сите лица што останале без работа поради приватизацијата на државни претпријатија да примаат месечен надомест од Агенцијата за вработување од 6.000 денари. Тоа би било се' до нивното повторно вработување или до исполнување на условите за пензионирање. Всушност, би се исплатувале 30 проценти од просечната плата исплатена во претходната година. Станува збор за 10.000 лица, кои би го користеле ова право и за што ќе бидат потребни 12 милиони евра.

„Со тоа ќе се затвори прашањето за социјалната компонента на неправедната транзиција во Македонија. Доколку не се направи тоа, тие луѓе ќе продолжат да живеат на маргините на општеството“, рече Николов, според кого, парите се најмал проблем за да се реши ова прашање, бидејќи се трошат големи буџетски средства за споменици.

Крсто Муковски од ВМРО-ДПМНЕ реплицира дека се лицемерни барањата на СДСМ“. Тој оцени дека законот е поднесен од политички причини и дека „преку преземање колективна одговорност, СДСМ се обидува да ја амнестира од одговорност личноста што беше режисер и сценарист на најматната приватизација во Македонија“.

Во серијата реплики и контрареплики на пратениците од власта и од оп��зицијата имаше меѓусебни обвинувања околу приватизацијата.

Во претходната вчерашна расправа не добија поддршка предложените измени и дополнувања на Законот за придонеси од задолжително социјално осигурување, поднесени од група пратеници од НСДП, ЛП и НА. (МИА)