Колектор за заштита на езерото Младост од загадување
ВЕЛЕС - Колекторскиот систем за отпад на канализациските води на езерото Младост се поврзува на селото Сујаклари. Со изградбата на системот ќе се заштити езерото од загадување со фекални води. Сега отпадните води непрочистени се испуштаат во рекреативниот центар.
Градоначалникот на Општина Велес, Аце Коцевски, информира дека при крај е изградбата на цевковод во должина од 589 метри, кој е финансиран од општинскиот буџет. Со колекторскиот систем треба да се реши проблемот со отпадните води на селата Отовица, Сујаклари, Кумарино и Иванковци. Инвестицијата изнесува 500.000 евра, а најголем дел од парите се обезбедени од Светска банка. (МИА)
|
