Двајца вооружени мажи вчера разоружаа грчки полицајци и украдоа камион во кој се превезувале 62 илегални имигранти од Азија. Инцидентот се случил во реонот на Аспропиргос во близина на Атина.
Прво, камионот со илегалните имигранти бил запрен од полицијата, при што едно лице било уапсено, а возачот успеал да избега. Додека полицајците се обидувале да го спроведат камионот во Атина, биле нападнати од двајца вооружени мажи, од кои едниот успеал да побегне со автомобил, а другиот со камионот и илегалните имигранти.
Полицијата успеала да уапси еден од напаѓачите, кој по потекло е од Ирак. Кај него биле пронајдени два службени пиштола. Подоцна е уапсен еден Индиец, но се' уште не е познато дали тој е поврзан со инцидентот. (МИА)
