Повеќе од 30 млади ослепеле на концерт во Москва
Неколку десетици млади луѓе ослепеле, меѓу кои некои трајно, поради силните ласерски снопови за време на музички фестивал во близина на Москва.
„Повеќе од 30 лица на возраст од 16 до 30 години се примени во болница поради оштетување на мрежницата“, пишува весникот „Комерсант“. Инцидентот се случил во моментот кога ласерските снопови, кои требало да го осветлуваат небото, одеднаш биле насочени во публиката“, пишува весникот. Лекарите соопштуваат дека сите настрадани имаат оштетување на мрежницата, а видливи се и лузни. Кај некои видот е изгубен и до 80 отсто и најверојатно нема да им се врати. Фестивалот се одржувал во близина на градот Владимир, 170 километри источно од Москва. (Макфакс) |
