Ново прскање против комарци
Градските власти информираат дека утре и задутре на територијата на Скопје уште еднаш авионски ќе се прска против комарци. Аеродезинсекцијата ќе се одвива во периодот од 5,30 часот до 8 часот наутро. Веднаш по неа, од понеделник до петок, комарците ќе се уништуваат од земја во периодот од 1 до 5 часот наутро.
Од Градот информираат дека во случај ако временските услови не го дозволуваат прскањето, авионската дезинсекција ќе се изврши наредниот ден во истиот термин кога ќе има поповолни временски услови. Од нив ќе зависи и терестичната дезинсекција. Градот упатува апел до пчеларите навреме да ги преземат потребните мерки за заштита на пчелите. (Сн.К.) |
