Одбележани 33 години постоење

Општина Гази Баба со свечена седница по повод 33 години од своето постоење вчера го одбележа својот патронен празник. На свеченоста градоначалникот Тони Трајковски им додели плакети на повеќе фирми, културни и спортски здруженија и невладини организции, а учениците кои имаат освоено прво место на државни натпревари добија парични награди. Мандолинскиот оркестар од ОУ „Дане Крапчев“ доби 10.000 денари, а по 5.000 денари добија петтооделенецот Ајдин Ајдини за освоено прво место во карате и седмоодделенката Елена Јовановска од ОУ „Кирил и Методиј“ за прво место по француски јазик. Дваесетина ученици чии творби се избрани на конкурсите за најдобри творби на тема „Мојата општина“, добија училишен прибор. (Сн.К.)