Во притвор поради грабнување

Триесетдневен притвор му е одреден на Т.И. (44) од Битола поради грабнувањ��. Како што соопшти полицијата, инцидентот се случил ноќта спроти вторникот, во 1,30 часот по полноќ, во дворот од куќа на улицата „Довлеџик“ од Битола кога Т.И., под закана со пиштол, му ставил лисици на рацете на 36-годишниот сопственик на куќата и го внел во „мерцедес“. Потоа го однел во селото Нижеполе, каде што го репетирал пиштолот и му барал да исплати 16.000 евра.

„Во 4 часот му ги извадил лисиците и го вратил дома“, велат од полицијата. Против Т.И. е поднесена кривична пријава. (Г.А.)