Светско злато за „Футура 2/2“

Во конкуренција на 10.000 креативни решенија од повеќе од 70 земји, решението „Ворлд вајд бејкери - календар 2010“ на македонската маркетинг-агенција „Футура 2/2“, го освои „2010 Голд ворлд медал“, на 53. издание на престижниот „Њујорк фестивалс - интернешенел адвертајзинг авордс“. Кинескиот град Шангај беше домаќин на свеченото доделување на наградите на најголемиот адвертајзинг-фестивал во светот.

Победничкото решение „Календар 2010“ е изработено по идеја на Милан Стојанов, а зад целосната замисла и реализација стои „Футура 2/2“. Календарот е невообичаен и несекојдневен новогодишен промотивен материјал, изработен за целите на комуникација „бизнис ту бизнис“. За дел од успехот се заслужни и фотографите на Филип Кондовски и Дејан Пановски како надворешни соработници на проектот. (Ек.Р.)