Словенечкиот амбасадор ги олади плановите на Владата

„Словенечко-хрватскиот модел е тешко применлив во спорот меѓу Македонија и Грција, смета словенечкиот амбасадор во земјава“, Алан Бергант. Според него, Словенија и Хрватска немаа трета страна во решавањето на спорот, по што се вклучила Европската комисија, додека македонско-грчкиот спорт има трета страна во ОН. Позитивниот пример кој можат Скопје и Атина да го извлечат од Словенија и Хрватска е оти е можно со дијалог и со средби да се дојде до некое решение.

Говорејќи по вчерашната трибината за регионалната соработка во Западен Балкан за побрзо интегрирање во ЕУ, Бергант рече дека е потребно инволвирање на ЕК во спорот со името. „Македонската влада треба да покаже поактивна улога, да ја замоли Европската комисија и претседателот на ЕУ да се вклучат во случајот“, изјави Бергант, иако тој не можеше да одговори зошто ЕУ се' уште не се вклучила во процесот. Бергант многу подиректно и негативно, се произнесе и по барањето на владата земјава да влезе во НАТО под рефе��енцата ПЈРМ и решавањето на спорот да се одвива паралелно со преговорите за членство во ЕУ. „Се знае оти Грција нема да се согласи со тоа“, рече Бергант, додавајќи дека треба да се реши прашањето со името за Македонија да може да продолжи. (Н.Р.)