Насловна

Власта предизборно - училишта за селaта

Како што наближуваат вонредните избори, Владата секојдневно презентира нови и нови проекти кои ќе ги реализирала во наредниот период во интерес на граѓаните. Последната најава е дека ќе се градат нови училишта по селата во земјава, со цел учениците да не патувале со километри за да стасаат на училиште. Планирана е изградба на 21 училиште во руралните средини, во 16 општини низ државата. Тендерот за изградба на училиштата е распишан, на 21 март ќе бидат отворени понудите, а според планот, објектите треба да бидат готови до почетокот на новата учебна година. Со проектот, како што истакна на вчерашниот прес министерот за образование, Никола Тодоров, ќе се овозможи учениците да посетуваат настава во соодветни услови во своето населено место. Тој посочи дека објектите ќе бидат изградени според сите стандарди и нормативи и оти биле планирани два типа училишта, со две или со три училници. (П.Р.)