„ДХЛ Македонија“ отвори нов сервисен центар
По повод 15-годишниот јубилеј, „ДХЛ Македонија“ вчера ги промовира новите работни простории во близина на хотелот „Белви“ на влезот во Скопје. Новиот сервисен центар, кој се протега на 2.500 метри и е опремен според највисоките стандарди, ќе овозможи скратување на времетраењето на земните процесни активности, зголемен квалитет на царинско-спроведувачките работи и безбедноста, имајќи предвид дека обработката на пратките ќе се врши „под еден покрив“.
Менаџментот на „ДХЛ Македонија“ вчера искажа задоволство од досегашната работа на компанијата, со надеж за успех и во иднина. Од раководството посочија оти се надеваат дека ќе ги надминат и онака успешните лански резултати, кога биле обработени 45.000 пратки, а „увезени“ 128.000 пратки. Како доказ за квалитетно и успешно работење, од компанијата потсетија дека веќе десет години го имаат сертификатот за квалитет ИСО 9001. (Дс.Т.) |
