Групација на национални телевизии

Четири од петте национални телевизии во државава, Телма, Канал 5, Сител и Алсат М, се здружија во Групација на национални телевизии во Стопанската комора на Македонија. „Приоритетни области во работењето ќе бидат ангажирање во процесот на дигитализација, уредувањето на авторските права, маркетингот и етаблирање на општата позиција на пазарот“, информира на прес Сашо Орданоски, претставник на Алсат - М, во присуство на раководителите на останатите телевизии-членки на Групацијата. Дел од Групацијата засега не е ТВ А1, бидејќи, како што објасни Орданоски, сопственикот Велија Рамковски не покажал интерес за тоа (Ек.Р.)