Изградени нови пешачки патеки

Општина Бутел изгради нови пешачки патеки со павер-елементи во населбата Радишани, со вкупна површина од 1.300 квадратни метри. Општината го заврши средувањето на просторот околу зградите во првиот влез во населбата, како и околу зградата на улицата „Марко Крале“ во населбата Бутел 1. Околу станбените згради во Радишани се направени три пристапни патеки во должина од 500 метри. Од Општина Бутел велат дека по долги години и зградата што се наоѓа на аголот меѓу улиците „,Марко Крале“, и „,Галичник“, конечно, доби павер-елементи. (Сн.К.)