Нови канделабри пред кулите во Скопје Север

Општина Бутел постави нови 15 украсни канделабри кај трите кули во населбата Скопје Север. Најпрвин ја замени старата електрична инсталација со нова, а потоа ги монтираше новите канделабри пред станбените кули сместени меѓу улиците „Лазо Москов“, и „,Тале Христов“. Со нив сега се осветлија два паркинга, парковските површини пред објектите и пешачката патека меѓу нив. Овие станбени згради веќе подолг период немаа осветление, а граѓаните со страв се движеа во тој дел од населбата. (Сн.К.)