Топло со 30 Целзиусови

Наредните денови треба да очекуваме летни температури, кои во некои градови во Македонија ќе се искачат над 30 Целзиусови степени. До среда, под влијание на топла воздушна маса, во особен пораст ќе бидат дневните температури, велат од Управата за хидрометеоролошки работи. Топлото време ќе можат да го искористат сите оние што ќе решат за првомајските празници да бидат во природа. А, метеоролозите потенцираат дека, сепак, во попладневните часови локално е можна појава на изолирана нестабилна облачност со пороен дожд и грмежи. (Сн.К.)