„Прогрес“: Се топи предноста на ВМРО-ДПМНЕ

Се намалува разликата во популарноста меѓу ВМРО-ДПМНЕ и СДСМ, според резултатите од најновата анкета на Институтот за социјална демократија „Прогрес“. Телефонската сондажа, со која биле опфатени 1.160 испитаници, покажала дека ако денес се одржат избори за ВМРО-ДПМНЕ би гласале 20,2 проценти од граѓаните, а за СДСМ 15,1 отсто. ДУИ добила поддршка од 7,3 проценти од испитаниците, ДПА од 4,8 отсто, а за НД се изјасниле 1,2 проценти. Над 26 отсто од испитаниците рекле дека не знаат за кого би гласале, 9 проценти не одговориле, а 11,7 посочиле дека нема да гласаат.

На прашањето како ја оценуваат работата на Владата на скалата од 1 до 10, најмногу - 24,7 отсто од анкетираните и' дале „единица“ на извршната власт, од 10 проценти таа добила „десетка“, а 16,5 проценти и' дале „петка“. (Д.Р.)