Од куќа во Озормиште украден златен накит

Златен накит, вреден над 4.500 евра, бил плен на крадци во тетовското село Озормиште. Непознати арамии насилно отвориле прозорец во куќата на Аљуш Н. (37) кога немало никој дома. Го искористиле времето меѓу 20 и 22 часот кога сега, во време на рамазанските празници, верниците одат на гости. Откако испретуриле низ сите простории на куќата, побегнале незабележани од никого. Тетовската полиција изврши увид на самото место и презема мерки за пронаоѓање на крадците.

Тетовската полиција апелира до ��раѓаните за поголемо внимание и претпазливост, особено кога ги оставаат куќите без луѓе. Крадците особено ги ограбуваат куќите и становите на семејствата што живеат во странство. За шест месеци, годинава во тетовско-гостиварскиот крај се регистрирани 587 тешки кражби, од кои најмалку 200 биле извршени во куќи и станови. Се краде, главно, пари и накит. (Г.Е.)