Режисерката Хуанита Вилсон во Струмица

Денеска во Центарот за култура „Антон Панов“ во Струмица во 20 часот ќе се прикаже краткиот 17-минутен филм „Врата“ на ирската режисерка Хуанита Вилсон. Станува збор за еден многу успешен филм, кој ја раскажува вистинската приказна за таткото и ќерката во Русија кога во 1986 година се случи катастрофата во Чернобил. Овој филм освои многу награди, а беше прогласен и за филм на годината со што и ги отвори вратите на младата режисерка Хуанита Вилсон, која моментно се наоѓа во Македонија каде што ќе го снима својот прв долгометражен игран филм „Како да ме нема“ во копродукција со нашата земја. Вилсон ќе биде присутна на проекцијата во Струмица. А филмот „Врата“, кој беше дел и од програмата на последниот „Астерфест“, ќе го означи стартот на новиот циклус активности на полето на филмската уметност во претстојната сезона во Струмица. (С.У.)