Бензинот поскап за еден денар

Од денеска поскапуваат горивата. Еден литар бензин ќе се продава по цена повисока за еден денар, а дизелот за еден и пол денар, одлучи вчера Регулаторната комисија за енергетика. Еден литар еуросупер БС 95 отсега ќе се продава по цена од 69 денари. Се зголемува и цената на еуросупер БС 98, на 70,5 денари. Регулаторната комисија одлучи да го поскапи и дизелот. Еден литар еуродизел Д5, според последната корекција, ќе чини 58,5 денари, а цената на екстра лесното масло за домаќинства ќе изнесува 47 денари за литар.

Новите повисоки цени за нафтените деривати се должат на зголемувањето на цената на суровата нафта на светските берзи и на промената во курсот на доларот во однос на денарот во изминатите 15 дена. (МИА)