Малкумина штипјани се искачија на Исар
Штип - За разлика од минатите години, во неделата сосем мал број штипјани се искачија на средновековната тврдина Исар водени од традиционалниот локален ритуал да ги прослават Денот на пролетта и празникот Младенци. Причина беа студеното време и снегот, но и изборите.
Секоја година штипјани, во најголем број младите, на овој ден се искачуваат на тврдината Исар од каде што, согласно со ритуалот, кон коритото на Брегалница фрлаат по 39 каменчиња, а четириесеттото го носат дома и го ставаат под перница и веруваат дека лицето од спротивниот пол што ќе го сонат таа ноќ ќе биде нивниот иден брачен партнер. (И.Б.)
|
