Лажна бомба пред мисијата на Македонија во Виена

Мисијата на Република Македонија при ОБСЕ во Виена вчера околу пладне добила лажен анонимен телефонски повик за поставена експлозивна направа во возило паркирано пред зградата на претставништвото, соопшти Министерството за надворешни работи.

По добивањето на информацијата, според соопштението, вработените во мисијата ја информирале австриската полиција, која за кратко вре��е пристигнала и направила увид.

По детаљните проверки, стручните тимови констатирале дека станува збор за лажна дојава, по што дипломатско-конзуларното претставништво продолжило со работа, се наведува во соопштението на МНР.

Австриските органи за безбедност најавиле брзо расчистување на случајот. (MИA)