Конференција „Машина за преименување“
Започнат во јуни во Љубљана, проектот „Машина за преименување“, чиј куратор е теоретичарката и кураторка на визуелна култура од Македонија, Сузана Милевска, а организатор љубљанскиот Институтот П.А.Р.А.С.И.Т.Е., продолжува со истоимена конференција што ќе се оддржува во НУБ „Климент Охридски“ (денеска, со почеток во 10 ч.) и во Културниот центар „Точка“ (утре во 19 ч.).
Таа е дел од серијата изложби, конференции, уметничко - истражувачки проекти, јавни дискусии и работилници што ќе траат до средината на идната година, а ќе се одржуваат и во Приштина и Загреб. На нив се презентираат размислувања, уметнички концепти и перформанси за феноменот на преименувањето и неговите културни и политички реперкусии од страна на познати теоретичари, уметници, уметнички групи и колективи. (К.Б.) |
