На „Бела ноќ“ и водата „гореше“
Скопјани во саботата вечер уживаа во уште едно, четврто по ред, издание на манифестацијата „Бела ноќ“, која и покрај пониските септемвриски температури, со својата богата понуда успеа да привлече посетители од различни генерации. Отворена пред Музејот на град Скопје, продолжи низ центарот на градот со получасовно одржување на пиротехничкиот и акробатски спектакл под наслов „Да, и водата гори“, со која германската трупа „Фламен“ го затвори годинешниот Млад отворен театар. Организаторите понудија концерти, изложби во неколку галериски простори, стрит - бол натпревар, а традиционално за крај, и голем огномет кој можеше да се види од различни делови на градот. (К.Б.) |
