ШАРЛИЗ ТЕРОН

„Оскарoт“ гo чува во тоалетот

Убавата актерка Шарлиз Терон признала дека престижните златни награди ги чува во тоалетот, а исто место за своите титули избрале и Кејт Бланшет, Кејт Винслет, Сем Мендес и Ема Томпсон.

Духовитата Шарлиз, која во 2003 година за улогата во филмот „Чудовиште“ доби „оскар“, открила дека своите статуетки ги чува во најмалата просторија во куќата, во тоалетот.

„Тоа е бањата што ја користат сите кои доаѓаат кај мене дома. Многу луѓе реагираат и велат: Штотуку поминав покрај ’оскарот‘, на што јас одговарам: „Знам, зарем тоа не е прекрасно. Некако ми се чинеше дека тоа е најдоброто место за него“, изјавила Терон, на која очигледно не и' недостасува смислата за хумор.

Но, таа не е единствена што „оскарите“ ги чува на толку необично место. Тоалетот е одлично место за чување на „оскарите“ и за Кејт Винслет и Кејт Бланшет.

Британската актерка Ема Томпсон има два „оскари“, кои ги чува во тоалетот на долниот кат од куќата, но морала да ги премести откако сопругот Грег Вајс ја замолил да го направи тоа, за на нивно место да ги изложи делата на нивната ќерка.

„Сега ги чувам во мојата канцеларија. Пред тоа беа во тоалетот на приземјето, но мојот сопруг се побуни. Сега тоалетот е преполн со нештата кои ги изработила мојата ќерка“, изјавила Ема.