„Порше Македонија“ го прослави петтиот роденден

„Порше Македонија“, под мотото „Брзината на успехот“ ги одбележа петте години од своето постоење. На свеченоста што се одржа во „Метрополис арена“, „Порше“, увозник за брендовите „фолксваген“, „ауди“, „шкода“ и на комерцијалните возила на „Фолксваген“, уште еднаш потврди дека е компанија што знае како својата визија да ја претвори во реалност. За потребите на оваа прослава халата 1 на Скопски саем беше комплетно преуредена во градска урбана средина. Централно место во неа заземаа ѕвездите на вечерта, двата најнови модела: суперновиот „ауди А7“ и новата верзија на еден од најуспешните модели на „Фолксваген“ – „пасат“. „Ние ја научивме најважната лекција, дека единството е наша сила. Со клиентите, соработниците и со пријателите ќе доживееме уште многу успешни јубилеи и нашето семејство постојано ќе се зголемува, а врската меѓу нас ќе станува се' поцврста“, изјави генералниот менаџер на „Порше“, Златко Муцунски, кој заедно со Алекс Васзи ги покани сите свои вработени да се качат на сцената. (Ек.Р.)