Инспекцијата ќе го отстрани рекламното пано на Наша ТВ
Градската комунална инспекција денеска ќе го отстрани рекламното пано на Наша ТВ на плоштадот „Македонија“. „Рокот на дозволата за кој телевизијата платила надомест на Градот Скопје за поставување на паноата на плоштадот е истечен“, велат градските власти. Телевизијата имала дозвола да се рекламира во центарот на градот од 23 октомври до 3 ноември, за што треба да плати 50.000 денари.
Во меѓувреме, соопштуваат во Градот, не било побарано продолжување на дозволата. Со оглед на тоа дека рокот за рекламирање истекол пред еден месец, а телевизијата не си ги повлекла рекламите, инспекторите денеска ќе го сторат тоа присилно. (С.Н.) |
