Тројца кочанци дивееле низ градот

Штипската полиција поднесе кривична пријава против Д.С.(33), В.Ј.(39) и П.С.(28) од Кочани поради насилство и предизвикување општа опасност.

Тројцата во вторникот најпрво дошле на бензинска пумпа „Еко оил“, а потоа без повод и причина Д.С. упатил навредливи и заканувачки зборови кон вработените, предизвикувајќи кај нив страв и вознемиреност. Потоа групата се упатила кон центарот на Кочани, каде што едниот од групата ги скршил стаклата на влезната врата на пицеријата „Аквариум“. Со насилствата продолжиле и пред неколку куќи во градот. Со викање, тропање по вратите и кршење на прозорците, тие им се заканувале на сограѓаните. Кога дошла полицијата, едниот од групата реагирал бурно и со рака го скршил задното стакло на полициското возило. (Љ.С.)