Кумановец пронајден мртов во Градиште
Дваесет и шестгодишно момче од Куманово е пронајдено мртво завчеравечер во близина на автокампот „Градиште” во Охрид. Според првичните податоци од охридската полиција, на телото на момчето нема траги на насилство и станува збор за несреќен случај. Обдукцијата треба да покаже од што настапила смртта.
Според официјалното соопштение на МВР, безживотното тело на З.Ј. е пронајдено завчера, околу 19 часот, јужно од автокампот „Градиште“. „Поради непристапност на теренот, увидот продолжи и вчера. Трупот кој беше пронајден на околу 200 метри од езерскиот брег, е подигнат и пренесен во Општата болница во Охрид. (Х.Р.) |
