Дел од Дебар Маало цел ден без вода
Граѓаните кои живеат на улиците „Ѓуро Ѓаковиќ“, „Ленинова“, дел од бул. „Партизански одреди“ до бројот 18, потоа улиците „Пирин“, „Наум Наумовски-Борче“, „Диме Аницин“, „Дебарца“ и „Чедомир Миндеровиќ“, денеска од 9,30 до 20 часот ќе останат без вода. Речиси целодневниот прекин во водоснабдувањето ќе биде поради изведување технички зафат на водоводна мрежа со пречник Ф-400. За време на прекинот, по посочените улици ќе кружи цистерна со пивка вода.
Од ЈП „Водовод и канализација“ информираат дека ќе сторат се' интервенцијата на мрежата да ја завршат порано од предвидениот термин. За сите дополнителни информации граѓаните може да се јават на телефонскиот број 3073-010 на Дежурно-информативниот центар на претпријатието, како и на бесплатниот број 0800 22 - 555.
|
