Битолската ЗОО по терк на скопската

Биолози и ветеринари од скопската Зоолошка градина ќе им помагаат на колегите од Битола за осовременување на локалната ЗОО. Соработката на двете градини веќе е официјализирана, скопската ЗОО потпиша меморандум за соработка со Центарот за развој на Пелагонискиот плански регион. Планирано е дел од проектите што се реализираат за осовременување на скопската ЗОО да се применат и во Битола. Предвидено е и таму да се обноват постојните и да се изградат нови живеалишта за животните.

Проектот за подновување на битолската градина се очекува да почне во март в година. (Дс.Т.)