Тазе зебри и такси-стојалишта

Петнаесетина булевари и улици од скоро имаат тазе освежени пешачки премини, стрелки, а префарбани се и такси-стојалиштата, како и ознаките „училиште“. Со нова бела боја е освежена површина од речиси 48.000 квадрати, а со жолта боја, која ги поднови такси-стојалиштата, биле истретирани речиси 1.500 квадрати. Подновени со црвена боја се и ознаките на велосипедските патеки и тоа на површина од близу 3.000 квадрати.

Бележењето го вршеа екипи на ЈП „Улици и патишта“, машински и рачно, најчесто ноќе. Во акцијата беа опфатени булеварите „Јане Сандански“, „Србија“, „Видое Смилевски-Бато“, „Трета македонска бригада“, „АСНОМ“, „Војводина“, „8 Септември“, „Партизански одреди“, „ВМРО“ и „Кузман Јосифовски-Питу“, како и улиците „Франклин Рузвелт“, „Алфред Циборовски“, „4 Јули“,„Ѓорче Петров“ и улицата „Првомајска“ и тоа од населбата Драчево до Усје. (Дс.Т.)