И овој паркинг го мерка општинското претпријатие

Упатените коментираат дека укинувањето на зонската наплата за паркирање во овој дел од градот, која се случи неочекувано без никаква најава и конкретно образложение, е само чекор напред што го прави Општина Центар за да го разбие монополот на ЈП „Градски паркинг“. Иако законот, се чини, е и на двете спротивставени страни, неизвесно е дали и кој ќе пресече. Градоначалникот Коце Трајановски минатата година немаше конкретен став за паралелниот интерес за зонско паркирање, но веќе половина година изјавува дека е договорено зонските паркинзи во Центар на кои сега наплаќа „Градски паркинг“ да му бидат отстапени на општинското претпријатие во оној момент кога тоа ќе биде подготвено да го имплементира системот. Претпријатието, пак, презема чекори токму во таа насока. Иако повремено работи во минус, не се откажува од намерите да организира свој систем на зонско паркирање. Неодамна склучи договор со фирма која ќе го изработи софтверот, а во тек се и други јавни набавки со кои е планирано заокружување на системот. (Дс.Т.)