„Струшка музичка есен“ по 35. пат

Во црквата „Св. Ѓорѓија“ во Струга, со концерт на црковниот хор „Калистрат Зографски“, вчера започна 35. Меѓународна музичко научна манифестација „Струшка музичка есен“, што се одржува годинава на тема „Македонска музика, проблеми и перспективи“.

На програмата на манифестацијата, која трае до утре се содржини од областа на музикологијата, музичката педагогија, медијавистиката и етномузикологијата, а една сесија е планирана за проблемите и перспективите за интелектуалната сопственост и културните експресии.

На 150-годишнината од раѓањето на македонскиот композитор Атанас Бадев му е посветена посебна вечер, а се очекува да биде иницирано и основање на Национален комитет при ИЦТМ - Интернационален совет за традиционална музика, кој ќе се занимава со изучување на традиционалната музика и танц. (К.Р.)