„Неуспешен лет“ награден со бронза во Швајцарија

Филмот „Неуспешен лет“ на Богоја Стојкоски - Пусторекански, член на Кино сојузот на Македонија, освои бронзен медал на 72. Светски фестивал на независен филм во Еинсјелдн, Швајцарија, кој се одржуваше до 4 септември.

Филмот е награден во конкуренција од 141 филм од 32 држави, а покрај него, во македонската селекција се прикажани и филмовите: „Исчеэнување“ на Елизабета Галабова, „Пресудата“ на Кирил Каракаш, „49-та (Сеќавања)“ на Светислав Подлешанов и „Кога бевме млади“ на Мице Чаповски.

Македонските филмови беа селектирани на 39. Државен фестивал на непрофесионален филм што се одржа во мај оваа година во Кавадарци, во организација на Кино сојузот и Народна техника, со финансиска поддршка од Филмскиот фонд. (К.Б.)