Секнаа странските инвестиции

Атина - Странските инвестиции во Грција во првите шест месеци од годинава се намалени за 15 - 20 отсто, покажуваат податоците на претседателот на „Инвест ин Грис“, Апостолос Цукалас, цитирани од весникот „Нафтемборики“. Странските инвестиции во Грција минатата година изнесуваа 3,5 милијарди евра, што е за една милијарда помалку од 2007 година. Главните странски инвестиции од Грција се од Германија, Франција и од Велика Британија.

Цукалас истакна дека и покрај непријатните економски услови, околу сто инвестициски проекти со грчко и странско учество во висина од околу три-четири милијарди евра се во процес на разгледување и реализација и оти половината од нив се одобрени. (МИА)