Трише: Светската економија се стабилизира

Базел - Претседателот на Европската централна банка, Жан-Клод Трише, изјави дека глобалната економија покажува знаци на излегување од најдлабоката рецесија во последните 60 години. „Најновите показатели се подобри од очекуваните и стабилизацијата е нешто што најверојатно се потврдува на глобално ниво“, рече Трише по завршувањето на состанокот на гувернерите на централните банки во швајцарскиот град Базел.

Тој во Базел се сретна со челниците на најголемите централни банки, вклучувајќи ги и гувернерите на Банката на Јапонија, Масаки Ширакава, и на Централната банка на Кина, Џоу Сјаочуан. Трише укажа дека меѓу гувернерите постои високо „единство во намерата“ да се постигне стабилност на цените.

Централните банки и владите на земјите во светот се залагаат за построго регулирање на финансискиот пазар откако големото ризично работење на финансиските институции доведе до загуба од 1,61 милијарда долари и принуди многу влади на спасување на тие институции со помош на пари од даночните обврзници. (МИА)