Двајца пак во притвор поради секс-скандалот

П.Т. од Кочани и К.И. од Штип, обвинети за извршено кривично дело полов напад врз малолетник што не наполнил 14 години, по барање на Основното јавно обвинителство-Штип, по два дена поминати на слобода, повторно се вратени во притвор.

Портпаролот на Основниот суд во Штип, Стојан Михов, вели дека од 12 обвинети за овој случај, само на Т.Г. од Штип не му е продолжен притворот и пред судот ќе се брани од слобода.

Во меѓувреме, дел од обвинетите поднеле барања за поднесување на гаранции и ослободување од притвор за да се бранат од слобода. Таквите предлози ќе бидат доставени до Основн��то јавно обвинителство, по што судскиот Кривичен совет ќе закаже седница на која ќе одлучува по поднесените барања на обвинетите.

Според Михов, судските претреси по четирите обвинителни акти за 12 лица, најверојатно, ќе почнат на крајот на декември, а ќе продолжат во јануари 2011 година. (МИА)