Ламбе почна да пишува песни

Популарниот пејач Ламбе Алабаковски во изминатиот викенд го сними спотот за својата прва авторска песна, насловена „Биди пријател наш“, а напишана специјално за децата од СОС детско село.

Ламбе, како почесен амбасадор на СОС-селото и инспириран од дечињата што живеат таму, несебично се вложи во темата која во иднина ќе биде нивна официјална химна. Како коавтор на музиката и аранжманот, покрај Алабаковски, се јавува и Дарко Димитров, додека текстот е дело на Огнен Неделковски. Спотот е во режија на „Томато продукција“, а во него, покрај ексклузивецот на „М-2 продукција“, се појавуваат и штитениците на СОС детско село. (К.Ш.)