ЏОРЏИЈА МЕЈ ЏЕГЕР

Татко ми е стар и нема врска со мода

Во текот на едно интервју, манекенката Џорџија Меј Џегер изјавила дека нејзините родители по малку ја срамат со својот имиџ, дека воопшто не се „кул“ и дека нејзиниот татко Мик Џегер воопшто нема поим за модата. Освен што рекла дека мајка и' сака „селски работи“ и чита книги за пилиња што ги одгледува на својот ранч во Англија, на сметка на татко и' се шегувала исмејувајќи ги неговите танчарски движења на сцената.

„Многу е смешно кога татко ми ќе се качи на сцената, затоа што има... Не знам како да го опишам тоа, но да кажеме дека неговите движења со колковите никогаш не минуваат незабележано“, рекла Џорџија.

Оваа година Џорџија запишала прва година на студиите по фотографија и уметност и се преселила кај постарата сестра во Њујорк. Нејзина мајка е Џери Хол, манекенка која беше во брак со пејачот на „Ролинстоунс“, Мик Џегер, цели 22 години и има четири деца со него. Џегер има уште три деца од други врски, вклучувајќи го и 11-годишниот Лукас Морад, кој го доби во вонбрачна врска, по што Џери се разведе од него.