Пријавување комунални проблеми

Општина Центар отвори телефонска линија на која граѓаните преку СМС- пораки може да пријавуваат комунални проблеми. На телефонскиот број 071-361-106 граѓаните може да пријават шут, да побараат интервенција за санација на улици, да алармираат за дефект на улично осветлување... Пријавувањето на комуналните проблеми може да се изврши и на општинскиот веб-портал www.opstinacentar.gov.mk.

Целта, како што објаснуваат општинарите, е континуирано подобрување на услугите што општина Центар има обврска да им ги нуди на граѓаните. (Дс.Т.)